حبيبي : ليه تخاف أنا معاك صدقني
يا رب : أنا خايف من نفسي .. من الناس .. من بكره .. من الفشل .. من كل حاجه
يا أبني : أنا معك النهارده وبكره ووسط الناس ومن غير الناس وحتى في الفشل مش هاسيبك
يا رب : أنا مش نافع في حاجه حتى كلامك ماعدش بيأثر فيا
حبيبي : أنا برضه معك حتى لو أنت مش حاسس بيا أو مش فاهم أو مش شايف لأني بحبك
يا رب : بتحبني على أيه مفيش فيا حاجه صح كله غلط
يا أبني : أنا بحبك لأنك أبني أنا عارف أنك ضعيف وتعبان وأنا بتاع التعبانين .... أنا بتاع الضعفاء صدقني حلك عندي
يا رب : أنا مش قادر أصلي ... مش عارف ... مش عاوز أنا مش نافع في حاجه
حبيبي : كفاية أنك لسه بتفكر فيا و عاوزني .. بتطلبني حتى في قلبك .. أنا عارف اللي في قلبك
يا رب : مش شايف حاجه بتتغير من سيئ لأسوء .. كله ظلمه .. كله غلط
يا حبيبي : أنت مش شايف حاجه من الحزن والكأبه .. أنت مش شايف أني بحبك .. ومش شايف أني أقدر على كل حاجه أنا عارف بعمل أيه أنت بس مستعجل شويتين
يا رب : أنت كمان بالك طويل أوي وأنا تعبان
يا أبني : كل حاجه ليها وقتها صدقني وكله في الأخر ليك ، مش عليك بس ما تيأس
يا رب : يعني لسه في أمل ؟
يا حبيبي : الأمل عمره ما يروح بس ما تنساش صليبك وأبديتك وحاول تاني وأنا معك
....... يسوع بيحبك
الإثنين يونيو 27, 2011 4:02 pm